อื่อ อื่อ จา จา
หลับสองต๋าป้อไปนานอกบ้าน ไปเก็บบ่าส้านใส่ซ้ามาแขวน
เก็บดอกเหินคำตี้ยอดเขาเมืองแมน แวะเก็บบ่าแข่นตี้ตางดอยดิน
อื่อ อื่อ จา จา
นอนสาเนอป้อไปขี่ควายเขาหลา ตั้งแต่เดือนมีนามุ่งหน้าบ่ผิน
เจ้านกเขาเถื่อนออกฟ้าโบยบิน ปล่อยยอดกระถินทิ้งช่อเดียวดาย
อื่อ อื่อ จา จา
หลับสองต๋านะลูกหล้าแก้วกลอย ผีเงือกน้อยคอยข่าวคนหาย
เมืองฟ้าไกลโพ้นซากศพเฮี่ยฮาย ตะหานยิงคนต๋ายกลางเดือนพฤษภา
อื่อ อื่อ จา จา
หลับสองต๋าถ้าแม่มาค่อยตื่น มะค่ำมะคืนลูกอย่าฮ้องหา
อย่ากวนใจแม่หนาลูกน้อยใจยา ฝนมืดมัวฟ้าแม่เปล่าเปลี่ยวใจ
อื่อ อื่อ จา จา
ปีขาลเดือนห้าฟ้าบ่ฮู้ลืม แดดสร่างเซื่องซึมผ่อเมฆบ่ใส
สายลมซบเซาป๋านบ่มีตี้ไป สายน้ำบ่ไหลโศกฮื้อไผกัน
อื่อ อื่อ จา จา
นกลู่กลับฮังสั่งเสียงฟ้าคำราม แม่ตั้งคำถามเขาก่ะบ่ฮู้หัน
ยิงคนเป๋นหมาข้างถนนก่ะบ่ปาน เนื้อหนังบ่ทานต้านกระสุนปืน
อื่อ อื่อ จา จา
นอนสาเนอลูกหลับต๋าจ้อยจ้อย นอนฮื้อแม่คอยห่มผ้าแพรผืน
เดือนห้าฟ้าโหยล่วงหลายค่ำคืน มัจจุราชทะมึนย่างมากลางเมือง
อื่อ อื่อ จา จา
สู่เดือนเลื่อนผ่านแม่นับวันถ่า แหงนหน้ามองฟ้าฝุ่นฝ้าแดดเหลือง
ป้อเจ้าถูกฆ่าในเมืองฟ้าฮองเฮือง แม่เก็บความแค้นเคืองซุกใส่หัวใจ
อื่อ อื่อ จา จา
แม่ตวยมองตางอยู่อย่างห่วงหา ไผผ่านไปมาก่ะคิดหวนไห้
เขาว่าป้อเป๋นนักสู้เพื่อประชาธิปไตย แม่เป๋นแม่หม้ายประชาธิปไตยเสื้อแดง
อื่อ อื่อ จา จา
หลับเสียเตอะนา...ลูกยาของแม่ เมื่อฟ้าผันแปรแลอีเกิ้งดับแสง
มันบ่เหมือนเดิมแล้วเมื่อแผ่นดินเดือดแดง ผ่อมองฟ้ายามแลง...มันบ่เหมือนเดิม...
(มันบ่เหมือนเดิม...อื่อจา)
ร่วมบริจาคเงิน สนับสนุน ประชาไท โอนเงิน กรุงไทย 091-0-10432-8 "มูลนิธิสื่อเพื่อการศึกษาของชุมชน FCEM" หรือ โอนผ่าน PayPal / บัตรเครดิต (รายงานยอดบริจาคสนับสนุน)